У ходзе мерапрыемства школьнікі і іх бацькі змогуць пазнаёміцца бліжэй з усімі факультэтамі купалаўскага ўніверсітэта і даведацца інфармацыю пра ўмовы паступлення.
Прадстаўнікі юрыдычнага факультэта пагрузяць сваіх гасцей у работу “міні-лабараторыі", дзе школьнікі змогуць прыняць удзел у майстар-класе па складанні фотаробатаў і дактыласкапіраванні. Будучыя абітурыенты пазнаёмяцца з працай клініцыстаў і відэазапісамі судовых пасяджэнняў.
На пляцоўцы факультэта фізічнай культуры гасцей навучаць тэхнікам пешаходнага турызму і гульні ў баскетбол.Студэнты факультэта эканомікі і кіравання запросяць гасцей у эканамічную антыкавярню “Разам”, дзе будуць працаваць шматлікія лакацыі: “Фантастычныя Эксперты Пераконваюць”, “Падмурак Элітных Уменняў”, “Формула Эканамічнага Поспеху”, “Феерверк Эмоцый і Задавальнення”.
На пляцоўцы факультэта мастацтваў і дызайну адкрые дзверы арт-гасцёўня. Тут можна будзе ўбачыць найлепшыя работы студэнтаў і выпускнікоў, пачуць любімыя мелодыі і ўдасканаліць навыкі малявання падчас майстар-класа па выяўленчым мастацтве.
На пляцоўцы ваеннага факультэта хлопцаў і дзяўчат запросяць паспрабаваць свае сілы на стралковым трэнажоры “Скат”. Прыняць удзел у квэст-гульні “Нямецкая мова з задавальненнем”, а таксама паглядзець на “жывую газету” прапануюць абітурыентам філалагічнага факультэта.
На пляцоўцы факультэта гісторыі, камунікацыі і турызму госці адправяцца ў падарожжа ў свет прафесій і спецыяльнасцяў, падчас якога пазнаёмяцца з вядомымі гістарычнымі, палітычнымі і культурнымі дзеячамі Беларусі розных эпох. Школьнікі наведаюць інтэрактыўная фотамайстэрні, відэастудыю і “Медыякухню”, распрацуюць унікальны турыстычны маршрут і паспрабуюць свае сілы ў кітайскай каліграфіі.
У свет віртуальнай рэчаіснасці пагрузяць сваіх гасцей прадстаўнікі факультэта матэматыкі і інфарматыкі. Студэнты-распрацоўшчыкі мабільных праграм раскажуць пра свае праекты, пракансультуюць будучых праграмістаў і парадуюць усіх віртуальнымі фокусамі.
На факультэце біялогіі і экалогіі будучых абітурыентаў чакае майстар-клас “Я твой сябар. А ты?”. Інтэрактыўныя фізічныя дэманстрацыі і займальныя вопыты па фізіцы абяцаюць паказаць студэнты фізіка-тэхнічнага факультэта.
У квэст-гульню “У лабірынце педагагічных ідэй” і на шматлікія майстар-класы запросяць прадстаўнікі педагагічнага факультэта. На пляцоўцы будзе працаваць выстава аўтарскіх матэрыялаў і распрацовак.
“Пазнаць сябе” будучыя абітурыенты змогуць на пляцоўцы факультэта псіхалогіі. Батл “Камп’ютар супраць алоўка” зладзяць на інжынерна-будаўнічым факультэце. Школьнікі будуць мадэляваць будынкі і ”наведаюць” лабараторыю сучасных будаўнічых матэрыялаў.
Інтэрактыўныя інтэлектуальныя гульні і майстар-клас па стварэнні прататыпа вырабаў з палімера з дапамогай 3D-друку арганізуюць на пляцоўцы факультэта інавацыйных тэхналогій машынабудавання.
Мерапрыемства стартуе ў 14.00. Ва ўсіх будзе магчымасць зрабіць унікальнае фота на памяць у фотазоне ўніверсітэта.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
